اتفقت مع الاهل نروح شاطىء المسيلة نسبح ونغير جو
بما انــا محجبات فما يصلحلنا الا الاماكن المخصصة للنساء فقط
وكان يوم امس مخصص للنساء في المسيلة
تزهبنا وحطينا اغراضنا بالجناط وتوكلنا على رب العالمين ومشينا
لما وصلنا عند كاونتر الحجز قلتله جم عددنا وانصدمت بالسعر : 14 دك
ليــــــــش ؟؟؟ احنا رايحين الشاطىء مو القرية
قال اي هذي الاسعار واليوم اكو حفلة !! مانبي حفلتكم حطوا احد يوقف عند مكان الحفلة ياخذ تذاكر خاصة فيها
انا العام مارحت بس اولت العام كان سعر الدخول 500 فلس فجأة هالسنة صار دينارين !!!
ويقولون صيفوا بالكويت .. ومشروعات سياحية الا نهيبة سياحية
لو في خدمات سنعه مثل الاوادم جان نقول حلال عليكم الدينارين بس الشاطيء وصخ والعاملات بس قاعدين يشيلون اغراض خلق الله علشان البخشيش وهادين الشاطىء بوصخه
وتخيلوا الشاطىء بكبرة مافيه الا دوشيــن ذبح ومذابح عليهم .. غير الطاولات والكراسي اللي من كل بستان زهره ولاترتيب ولا شي
ما اقول الا ربي يعينــا جان هذي المشروعات السياحية .. وعمار ياكويت !
هناك 3 تعليقات:
مرحبا بك في الصفاة
thanx
مو عارفين اشلون يبوقون
إرسال تعليق